Z.Kryeziu ka nisur karrierën në shoqëri civile qysh nga viti 2001, kur i është bashkuar programit Civic Forum të NDI-it. Pas përmbylljes së këtij programi, Ismeti në bashkëpunim më kolegët e tij vendosën të krijonin një OJQ vendore e cila sot njihet si Instituti Demokratik i Kosovës. Në vitin 2006 ai ishte përzgjedhur drejtor ekzekutiv i KDI-së, pozitë kjo që vazhdon ta mbajë. Ismeti ka përvojë të gjatë në  procesin e zgjedhjeve, punën me Kuvendin e Kosovës, luftën kundër korrupsionit, qeverisjen lokale e barazinë gjinore.

Kontakti: [email protected]

Edita është një prej themeluesve dhe koordinatore e programeve në Institutin Demokratik të Kosovës – Transparency International Kosova. Para se t’i bashkohej KDI-së, ajo punoi për organizata ndërkombëtare në Kosovë dhe jashtë saj në demokratizim, pjesëmarrje qytetare, zgjedhje, avokim dhe prokurim. Gjatë udhëtimit të saj 14 vjeçar në shoqëri civile, ajo ka ndihmuar shumë OJQ në Kosovë në forcimin e kapaciteteve të mbikëqyrjes, avokimit dhe monitorimit të zgjedhjeve. Punët primare të saja në organizatë lidhen me hartimin e programit, planifikimet strategjike si dhe mbledhjen e fondeve.

Kontakti: [email protected]

Vjollca ka një përvojë të gjerë në fushën e menaxhimit të financave dhe administratës. Para se t’i bashkohej KDI-së në vitin 2008, Vjollca ka punuar nga marsi i vitit 2000 për OSBE-në dhe Qendrën e Resurseve të OJQ-ve në Prizren. Ajo ka menaxhuar disa projekte që kishin si komponentë kyçe nën-grantet, duke përfshirë ato të Demokracisë në Veprim. Vjollca ka njohuri mbi legjislacionin në fuqi që rregullon procedurat e financave dhe taksave në Kosovë.

Që nga viti 2001 e angazhuar në aktivitetet e shoqërisë civile në Kosovë. Fillimisht me punë vullnetare në organizatën Save the Children duke realizuar aktiviteteve të shumta në promovimin e të drejtave të fëmijëve. Mbështetja specifike e fëmijëve të abuzuar dhe lënë pas dore në periudhën e post konfliktit në Kosovë ishin shkaqet që më nxitën dhe motivuan për angazhim në punë vullnetare, për të ndikuar në të mirën e fëmijëve në Kosovë. Pos angazhimit në Save the Children në baza vullnetare, kam vazhduar t’i përkushtohem edhe më tej angazhimit civil në Kosovë, duke u angazhuar në organizata të ndryshme rinore, me profile të ndryshme si: asistencë, bamirësi, solidaritet dhe pjesëmarrje të qytetarëve. Vazhdoj të jem pjesë e angazhimit në shoqërinë civile, që nga viti 2008 e angazhuar si staf i rregullt në Institutin Demokratik të Kosovës (KDI) në pozitën asistente për administratë dhe financa.

Kontakti:[email protected]

Është zyrtare e lartë për avokim dhe menaxhere e projekteve për transparencë dhe llogaridhënie në prokurim publik. Ajo është ekonomiste e diplomuar, me fokus në Menaxhim dhe Informatikë. Diana ka mbi pesëmbëdhjete vite përvojë pune në prokurim, prej të cilave mbi gjashtë vite me KBR Inc., dhe DynCorp LLC. në shërbim të Departamentit të Mbrojtjes së SH.B.A., dhe tjerat për organizata dhe institucione të ndryshme vendore dhe ndërkombëtare në Kosovë. Në vitin 2011, ajo ka prezantuar si ligjëruese në konferencën Heavy Europe 2011 në Roterdam, të organizuar nga Hanson Wade, ku ka ligjëruar për prokurimin në tregun global dhe rëndësinë e kushteve dhe termave të kontratave. Diana ka një eksperiencë të provuar, me një qasje shumë analitike, që ofron njohuri dhe përvojë “nga djepi deri në varr” (në sektorin qeveritar dhe privat) në planifikimin dhe zhvillimin e prokurimit dhe administrimin e kontratave. Në vitin 2015 ajo iu bashkua KDI-së në ekipin e Transparencës dhe Kundër-korrupsionit. Ajo ka publikuar disa raporte analitike dhe të monitorimit, dhe studime të ndryshme të prokurimit publik në Kosovë. Diana gjithashtu ka qenë e angazhuar si vullnetare në koalicionin e organizatave “Demokracia në Veprim” në zgjedhjet qendrore dhe lokale të vitit 2017, ku ka shërbyer në kapacitete të ndryshme. Fushat e interesit profesional të saj janë analizat e politikave publike në menaxhimin e parasë publike përmes prokurimit publik, rritja e transparencës dhe llogaridhënies të nivelit qendror dhe lokal të qeverisjes, dhe zhvillimi i kapaciteteve të reja në këtë lëmi.

Kontakti: [email protected]

Eugeni është pjesë e KDI-së që nga viti 2016, kur ai filloi punën si monitorues i punës së Kuvendit të Kosovës, në kuadër të programit për Demokratizim dhe Praktika Parlamentare. Paraprakisht ka punuar në Fondacionin Ndërkombëtar për Sisteme Elektorale (IFES).

Tash është i angazhuar si zyrtar i projektit për fuqizim të votuesve të rinj, në kuadër të programit për llogaridhënie. Ai ka kontribuar edhe në kuadër të Demokracisë në Veprim, ku është i angazhuar si koordinator i vëzhguesve.

Cakolli është në përfundim të studimeve Master në Universitetin e Prishtinës, programin e Integrimeve Evropiane dhe Administratës Publike, ku është marrë edhe me hulumtime të ndryshme.

Kontakti: [email protected]

Znj. Haxholli ka filluar punën e saj në shoqërinë civile në vitin 2012, në Institutin Kosovar për Hulumtime dhe Zhvillim të Politikave (KIPRED). Gjatë periudhës 2012-2016 ajo ka punuar në projekte të lidhura me administratën publike dhe integrimin evropian. Në shtator të vitit 2016 ajo iu bashkua KDI-së si hulumtuese në projektin që synonte forcimin e mbikëqyrjes parlamentare të ekzekutivit dhe rritjen e pjesëmarrjes së qytetarëve në dialogun Kosovë-Serbi.

Kontakti:[email protected]

Kenan Beqiri ka diplomuar në IBCM në Mitrovicë për Administratë Publike. Njihet si një aktivist i shoqërisë civile me fokus në ndërtimin e paqes dhe pajtimit. Me përvojë disavjeçare në organizata ndërkombëtare dhe vendore dhe i përfshirë në projekte të ndryshme me synim nxitjen e bashkëpunimit ndëretnik, ndërtimin e paqes dhe transformimin e konflikteve.

Gjatë gjithë karrierës së tij, Kenani ka punuar ngushtë me të rinjtë, përfaqësuesit e komuniteteve, grupet fetare dhe zyrtarët komunalë, veçanërisht në fuqizimin e komuniteteve jo-shumicë në regjionin e Mitrovicës. Që nga viti 1999, ai ka kontribuar aktivisht në projekte të shumta që promovojnë progresin social dhe rrisin kapacitetet e komuniteteve pa dallim.

Udhëheqës i një varg iniciativave me fokus primar fuqizimin e të rinjve dhe grave në shoqëri. Komunikimi, njohja e gjuhëve të huaja dhe sjellja miqësore e bëjnë atë një komunikues efektiv, duke i mundësuar përshtatjen në mjediset e ndryshme, si në sferën e punës ashtu edhe në jetën sociale.

Përtej angazhimeve të tij profesionale, Kenani është i apasionuar pas natyrës dhe shijon kohën e tij duke shëtitur në natyrë. Ai njihet gjithashtu si vullnetar në disa nga aktivitetet që synojnë ngritjen e vetëdijes së qytetarëve dhe ndërgjegjësimin për mbrojtjen e mjedisit.

Florent Spahija është jurist me përvojë shumëvjeçare në fushën e sundimit të ligjit, luftës kundër korrupsionit dhe reformës në drejtësi. Ai ka përfunduar studimet bazë dhe Master në drejtimin Civil në Fakultetin Juridik të Universitetit të Prishtinës dhe ka kaluar provimin e jurisprudencës në vitin 2015.

Në fillim të karrierës së tij profesionale, ka punuar për gati pesë vjet në BIRN – Rrjeti Ballkanik për Gazetari Hulumtuese, si monitorues i gjykatave dhe zyrtar ligjor. Paralelisht, ka qenë i angazhuar si trajner dhe gjyqtar në debatet e formatit Karl Popper për nxënës të shkollave të mesme.

Nga viti 2016 deri në 2021, Florent Spahija ka qenë pjesë e KDI/TIK, ku ka shërbyer si këshilltar ligjor në programet për mbështetjen e viktimave, sinjalizuesve dhe dëshmitarëve të korrupsionit. Në periudhën 2021–2023, ai ka qenë i angazhuar si ekspert i UNDP në kuadër të reformës në drejtësi të udhëhequr nga Ministria e Drejtësisë, duke kontribuar në analizë ligjore dhe zhvillim politikash publike.

Gjatë periudhës 2023–2025, Spahija ka punuar në sektorin privat, në pozita ligjore, duke zgjeruar përvojën e tij në praktikën juridike dhe çështjet komerciale. Në vitin 2025, ai i është rikthyer angazhimit në KDI/TIK, duke vazhduar kontributin e tij në fushën e transparencës, llogaridhënies dhe sundimit të ligjit.

Plator Avdiu iu bashkua Institutit Demokratik të Kosovës (KDI) më 2023 si Menaxher Projekti, në kuadër të projektit rajonal të mbështetur nga Bashkimit Evropian “Monitorimi i Integritetit në Ballkanin Perëndimor dhe Turqi” i cili menaxhohet nga KDI. Ai ka një përvojë të gjerë në sektorin e shoqërisë civile në Kosovë, duke qenë i angazhuar si Hulumtues i Lartë / Koordinator i Projekteve në Qendrën Kosovare për Studime të Sigurisë (QKSS) në vitet 2014-2023. Krahas kësaj, ai është autor dhe bashkautor i raporteve hulumtuese e publikimeve që trajtojnë temat e sigurisë dhe të mbrojtjes. Për më tepër, përvoja profesionale e tij përfshin angazhimin si konsulent i programit për siguri dhe mbrojtje të Transparency International me seli në Londër, duke qenë autor i Indeksit të Integritetit për Mbrojtje në vitin 2020.

Platori ka diplomuar për studime master në Universitetin e Letonisë, në Riga, në drejtimin për Studime Evropiane duke qenë bursist i programit të Komisionit Evropian JoinEU-SEE III/Erasmus Mund Action 2 Partnerships. Ndërsa, studimet themelore i ka përfunduar për shkencat politike në Fakultetin Filozofik të Universitetit të Prishtinës më 2008.

Kontakti: [email protected]

Besniku është pjesë e KDI-së që nga marsi 2024, kur u angazhua në Programin “Qeverisja Lokale dhe Pjesëmarrja Qytetare”. Gjatë viteve, 2009-2013 ka qenë i angazhuar në programe të ndryshme në KDI duke përfshirë “Transparenca dhe kundër korrupsioni” dhe “Demokratizimi dhe Praktikat Parlamentare”. Po ashtu, në të kaluarën ai ka punuar në fushën e mediave dhe institucione publike për më shumë se dhjetë vite.

Ai ka diplomuar në Shkenca Politike dhe Administratë Publike në Universitetin e Prishtinës, si dhe ka vazhuar studimet master në Politikë Ndërkombëtare.

Gresa i është bashkuar ekipit të Institutit Demokratik të Kosovës (KDI) në nëntor të vitit 2025, në pozitën e Asistentes Ligjore, duke sjellë me vete një përvojë të konsoliduar në fushën e drejtësisë dhe politikave institucionale. Ajo ka filluar karrierën e saj në Gjykatën Themelore në Prishtinë, e më pas në një zyrë avokatie, ku ka avancuar më tej aftësitë e saj në zbatimin e ligjit.

Ajo ka bashkëpunuar në mënyrë proaktive me organizata ndërkombëtare në projekte që synojnë pjesëmarrjen politike të komuniteteve në Kosovë.

Ka marrë pjesë në trajnime dhe aktivitete profesionale në fushën e drejtësisë dhe luftës kundër korrupsionit, si pjesë e angazhimit të saj për avokim institucional dhe ngritjen e standardeve të sundimit të ligjit.

Gresa ka përfunduar studimet themelore në Fakultetin Juridik të Universitetit të Prishtinës, dhe aktualisht vijon studimet Master në drejtimin Penal.

Kushtrimi ka përvojë mbi njëzetvjeçare në sektorin joqeveritar në Kosovë dhe jashtë saj. I diplomuar në Fakultetin Ekonomik ne Prishtinë, për rreth 20 vite ai ka punuar si drejtor i financave dhe administratës në National Democratic Institute në Kosovë dhe misionet e saj në Sudan dhe Liberi. Si aktivist i shoqërisë civile, ai ka marrë pjesë në misionet vëzhguese nacionale dhe ndërkombëtare të zgjedhjeve në Kosovë, Ukrainë, Shqipëri dhe Liberi.

Aktualisht Kushtrimi punon në OJQ Kosova-Women 4 Women si koordinator i projektit që ka të bëjë me fuqizimin e pozitës së gruas në ekonomi dhe treg të punës.

Shkarkoni CV-në këtu

Agnesa Haxhiu momentalisht është duke vazhduar studimet e doktoratës në Shkenca Politike, ndërsa paralelisht punon si asistente e angazhuar në Universitetin e Prishtinës – departamentin e Sociologjisë. Për rreth dy vite e gjysmë ka qenë e angazhuar si konsulente / këshilltare e jashtme në Kuvendin e Kosovës/ Kabinetin e Kryetarit të Kuvendit duke dhënë kontribut në sferën e transparencës në jetën palamentare. Para angazhimit në Kuvend, Agnesa për më shumë se gjashtë vite ka qenë staf i Institutit Demokratik të Kosovës (KDI) dhe ka zbatuar projekte që lidhen me avancimin e rolit përfaqësues, ligjëvënës dhe mbikëqyrës të Kuvendit të Kosovës.

Shkaroni CV-në këtu

Brikena Avdyli është Ndihmës Profesor në RIT Kosovë dhe ligjëron Forcat dhe Trendet Globale. Ajo ka një diplomë master në Zhvillim Ndërkombëtar nga Universiteti Amerikan në Uashington DC dhe një Certifikatë Profesionistësh në Diversitet dhe Përfshirje nga Universiteti Cornell në NYC, SHBA. Vjena.

Fushat kryesore të interesit të Brikenës janë barazia gjinore dhe përfshirja sociale. Ajo është konsulente për shumë organizata vendore dhe ndërkombëtare. Më parë, Brikena ka shërbyer si Drejtoreshë Ekzekutive e Fondacionit Jahjaga, ka udhëhequr portofolin e përfshirjes dhe shtrirjes në proceset zgjedhore në Fondacionin Ndërkombëtar për Proceset Zgjedhore dhe ka punuar me organizata të tjera të ndryshme në projekte që kanë të bëjnë me të drejtat e njeriut, zhvillimin, barazinë gjinore, sociale. përfshirjen dhe zhvillimin e të rinjve.

Ajo është një avokate e pasionuar për diversitetin dhe përfshirjen e grupeve të margjinalizuara në shoqëri dhe jetën publike. Ndikimi i saj në proceset zgjedhore dhe politike ka qenë i jashtëzakonshëm pasi ajo mbështeti softuerin që promovonte përfshirjen e personave me aftësi të kufizuara në zgjedhje.

Shkaroni CV-në këtu