Instituti Demokratik i Kosovës (KDI),  ka organizuar një tryezë diskutimi  me temën “Transparenca e shpenzimeve financiare ne nivel lokal”. Gjithnjë në funksion të rritjes së transparencës dhe llogaridhënies së komunave në menxhimin e parasë publike, diskutimet u koncentruan në gjetjen e mënyrave për t’i bërë raportet tremujore të shpënzimeve të komunave më të qasshme dhe  kuptueshme për publikun. KDI shpalosi një analizë të shkurtër mbi të gjeturat për transparencën financiare në 11 komuna dhe kërkoi nga përfaqësuesit e komunave t’i respektojë afatet kohore të raportimit të financave komunale dhe bërjen publike të tyre përmes publikimit në ueb-faqet e komunave. Vërejtje dhe kërkesa për më shumë disciplinë në këtë drejtim patën edhe përfaqësues nga Ministria e Ekonomisë dhe Financave

 

 

Tryeza “Transparenca financiare në nivel lokal” është organizuar me mbështetje të KFOS.