Prizren, 17 qershor 2010 – Instituti Demokratik i Kosovës (KDI), ka hartuar raportin përmbledhës nga puna e komunave të Regjionit të Prizrenit në fushën e pjesëmarrjes së qytetarëve në vendimmarrje, transparencën e pushtetit lokal, proceset buxhetore nëpër komuna, decentralizimin e pushtetit dhe raportet në mes qeverive lokale e kuvendeve të komunave.
Ndër të gjeturat kryesore të këtij raporti është çështja e raportimit të kryetarëve të komunave pranë kuvendeve të komunave përkatëse. Kryetari i komunës është i obliguar që së paku një herë në gjashtë muaj të raportojë para kuvendit për situatën ekonomike-financiare të komunës si dhe për zbatimin e planeve investuese të komunës. Asnjëri nga kryetarët e gjashtë komunave të Regjionit të Prizrenit deri në më tani nuk e ka kryer një obligim të tillë ligjor.
Kryetari i Komunës së Prizrenit dhe ai i Rahovecit ende nuk ia kanë dërguar kuvendeve të komunave përkatëse as raportet fiskale për periudhën Janar-Mars 2010 obligim i cili del nga Neni 45.4 i Ligjit për menaxhimin e financave publike dhe përgjegjësitë.
Në bazë të kësaj, edhe pse baza ligjore për rregullimin e raportit kuvend ? qeveri len shumë për të dëshiruar, megjithatë edhe ato pak pika që i rregullojnë këto relacione, në shumicën e rasteve nuk gjejnë zbatim të nevojshëm.
Gjatë tre mujorit të parë në Komunën e Prizrenit ka ardhur në shprehje menaxhimi joefikas i buxhetit të kësaj komune me ç`rast janë shpenzuar vetëm 8.34% të buxhetit të paraparë për tërë vitin 2010 duke shënuar kështu nivelin më të ulët të realizimit të shpenzimeve në Regjionin e Prizrenit, ndërsa janë inkasuar vetëm 15.35% të të hyrave vetanake të planifikuara për gjithë vitin 2010.
Krahas kësaj, Komuna e Suharekës ka arritur nivelin më të lartë të inkasimit të të hyrave të planifikuara për këtë vit duke arritur të inkasojë 22.89% të të hyrave të planifikuara për gjithë vitin 2010. Ndërkaq që Komuna e Malishevës është treguar më efikasja në shpenzim të buxhetit të planifikuar për gjithë vitin 2010 duke arritur në 20.24% të realizimit të shpenzimeve.
Rekomandimet:
Ky raport është përgatitur në kuadër të projektit ?Pjesëmarrja qytetare dhe principet për një qeverisje të mirë? të mbështetur nga Olof Palme Center (OPIC)
Instituti Demokratik i Kosovës (KDI) është OJQ vendore e cila ka për mision të ofrojë mbështetje në zhvillimin e demokracisë përmes fuqizimit dhe ndikimit të sektorit joqeveritar në rritjen e transparencës, llogaridhënies dhe përgjegjshmërisë së institucioneve qeveritare.