KDI kishte analizuar edhe raportet e Auditorit të Përgjithshëm, me ç’ rast ishte evidentuar se rreth 20% të këtyre shkeljeve ishin të ndërlidhura me prokurimin publik. Për më shumë, KDI gjatë analizës së tre prokurimeve publike kishte gjetur që investimet e dobëta kapitale përmes prokurimit publik jo vetëm që ishin përcjell me humbje të parasë publike por edhe kishin rrezikuar jetën dhe mirëqenien e qytetarëve. Pas këtyre gjetjeve, KDI kishte filluar një kampanjë avokuese për përmirësimin e kornizës ligjore lidhur me menaxhimin e kontratave publike, që jo vetëm të sigurojnë kualitet të punëve, por të sigurojnë shëndetin dhe jetën ë qytetarëve.